மட்டக்களப்பு புளியடிக்குடா புனித செபஸ்தியார் தேவாலயத்தின் வருடாந்த திருவிழா கூட்டுத்திருப்பலி நேற்று (14) நடைபெற்றது.
இலங்கை மற்றும் பாகிஸ்தான் இயேசுசபைத் தலைவர் அருட்தந்தை டெக்ஸ்ரர் கிறே தலைமையில் இலங்கை இயேசுசுபை மாகாணத் தலைவர் அருட்தந்தை போல் சற்குணநாயகம், தேவாலயத்தின் பங்குத் தந்தை லோரன்ஸ் மற்றும் அருட்தந்தை எஸ்.நவாஜி ஆகியோர் கூட்டுத்திருப்பலியை ஒப்புக் கொடுத்தனர்.
திருப்பலியின் இறுதியில் இலங்கை மற்றும் பாகிஸ்தான் இயேசுசபைத் தலைவர் அருட்தந்தை டெக்ஸ்ரர் கிறே இலங்கை இயேசுசபை மாகாணத் தலைவர் அருட்தந்தை போல் சற்குணநாயகம் பொன்னாடை போர்த்தியும் இராயப்பு ஜோசப்பினால் நினைவுச் சின்னம் வழங்கியும் கௌரவிக்கப்பட்டார்.
வருடாந்த திருவிழாவின் திருச்சொரூபப் பவனி கடந்த சனிக்கிழமை (13) மாலை நகரின் பிரதான வீதிகள் வழியாக இடம்பெற்றது.
கடந்த 05.05.2017 வெள்ளிக்கிழமை கொடியேற்றத்துடன் ஆரம்பமான திருவிழா நேற்று கொடியிறக்கத்துடன் முடிவுற்றமை குறிப்பிடத்தக்கது.
LDA_dmu_batti
