கிழக்குப் பல்கலைக்கழகத்தின் 21ஆவது பொதுப் பட்டமளிப்பு விழா மட்டக்களப்பு, வந்தாறுமூலையிலுள்ள பல்கலைக்கழகத்தின் நல்லையா மண்டபத்தில் எதிர்வரும் 8ஆம் திகதி நடைபெறவுள்ளது என அப்பல்கலைக்கழகத்தின் உபவேந்தர், கலாநிதி தங்கமுத்து ஜயசிங்கம் தெரிவித்தார்.
கிழக்கு பல்கலைகழகத்தின் மட்டக்களப்பு, கல்லடி, வந்தாறுமூலை, திருகோணமலை ஆகிய வளாகங்களைச் சேர்ந்த உள்வாரி மற்றும் வெளிவாரிப் பட்டப்படிப்பை பூர்த்தி செய்தவர்களே பட்டம் பெறவுள்ளனர்.
நான்கு அமர்வுகளாக பட்டமளிப்பு விழா நடைபெறவுள்ளது. கலை, கலாசாரப்பீடம், சௌக்கிய பராமரிப்பு விஞ்ஞானபீடம், சித்த மருத்துவ கற்கைகள் பிரிவு, வணிக முகாமைத்துவப்பீடம், விவசாயபீடம், தொடர்பாடல் மற்றும் வியாபார கற்கைகள் பீடம், பிரயோக விஞ்ஞானபீடம், சுவாமி விபுலானந்தா அழகிய கற்கைகள் நிறுவனம் ஆகியவற்றில் பட்டப்படிப்பை பூர்த்தி செய்தவர்களுக்கே பட்டமளிப்பு விழா நடைபெறவுள்ளது.
கலை, கலாசாரத்துறையில் 450 பேரும் வைத்தியத்துறையில் 50 பேரும் விவசாயத்துறையில் 11 பேரும் சித்த மருத்துவத்துறையில் 10 பேரும் உட்பட மொத்தமாக 852 பேர் பட்டம் பெறவுள்ளனர் எனவும் அவர் கூறினார்.
LDA_dmu_batti
