கொரிய மொழி பரீட்சைக்கான விண்ணப்பங்கள் கடந்த 14ஆம், 15ஆம் மற்றும் 16ஆம் திகதிகளில் நாடு முழுவதும் அமைக்கப்பட்டுள்ள 19 மத்திய நிலையங்களில் ஏற்றுக்கொள்ளப்பட்டன.

 

இம்முறை தங்காலை பிரதேசத்தில் இருந்து 3,388 விண்ணப்பங்கள் கிடைத்துள்ளதுடன் யாழ்ப்பாணத்தில் இருந்து 5 விண்ணப்பங்கள் மாத்திரமே சமர்ப்பிக்கப்பட்டுள்ளன என்று வெளிநாட்டு வேலைவாய்ப்புப் பணியகம் சுட்டிக்காட்டியுள்ளது.

 

தங்காலையில் 3,388 விண்ணப்பங்கள் சமர்ப்பிக்கப்பட்டுள்ளதுடன், யாழ்ப்பாணத்தில் மொத்தமாக 5 விண்ணப்பங்களே சமர்ப்பிக்கப்பட்டிருந்தன.

 

பரீட்சை நடைபெறும் திகதி மற்றும் பரீட்சை நிலையங்கள் தொடர்பான விபரங்கள் எதிர்வரும் நாட்களில் அறிவிக்கப்படும் என்றும்  பணியகத்தின் உத்தியோகப்பூர்வ இணையதளமான http://www.slbfe.lk/ பார்வையிடலாம் என்றும் பணியகம் சுட்டிக்காட்டியுள்ளது.

 

கடந்த 2016 ஆம் ஆண்டுடன் ஒப்பீடு செய்யும் போது இம்முறை சமர்ப்பிக்கப்பட்டுள்ள விண்ணப்பங்களின் எண்ணிக்கை குறைவாக காணப்படுகின்றமை சுட்டிக்காட்டத்தக்கது.