இலங்கை கடற்பரப்பில் சட்டவிரோத நுழைந்து கடற்படையினரால் கைது செய்யப்பட்ட இந்திய மீனவர்கள் 8 பேர் நேற்று (16) அந்நாட்டு கடற்படையினரிடம் ஒப்படைக்கப்பட்டனர்.
காங்கேசன்துறை வடக்கில் உள்ள சர்வதேச கடற்பரப்பில் வைத்து இம்மீனவர்கள் இந்திய கடற்படையிடம் ஒப்படைக்கப்பட்டனர்.
இம்மீனவர்களை ஒப்படைக்கும் செயற்பாட்டுக்கு இலங்கை கரையோர பாதுகாப்புத் திணைக்களத்திற்கு சொந்தமான சிஜி 47 அதிவேக தாக்குதல் படகு மற்றும் இந்திய கரையோர பாதுகாப்புப் படையின் அஹீக் கப்பல் என்பன பயன்படுத்தப்பட்டன.
இலங்கை கடற்படையினரால் கைது செய்யப்பட்டிருந்த 77 மீனவர்களும் இந்திய கடற்படையினரால் கைது செய்யப்பட்ட 12 இலங்கை மீனவர்களும் இருதரப்பினரிடமும் கடந்த 14ம் திகதி ஒப்படைத்துக்கொண்டமை குறிப்பிடத்தக்கது.
