போஷாக்கை மேம்படுத்த கவனத்தில்கொள்ளவேண்டிய விடயங்கள் தொடர்பில் கிராமிய அபிவிருத்தி சங்கங்களை தெளிவுபடுத்தும் நிகழ்வு அநுராதபுர மாவட்டத்தில் வெற்றிகரமாக நடைபெற்று வருகிறது என்று மாவட்டச் செயலாளர் டி.பி. குமாரசிறி தெரிவித்தார்.
அநுராதபுர மாவட்டச் செயலகத்தில் நடைபெற்ற மாவட்ட போஷாக்கு குழுக்கூட்டத்திலேயே மாவட்டச் செயலாளர் இவ்வாறு தெரிவித்தார்.
ஆரோக்கியம், போஷாக்கு என்பவற்றை இலக்காக கொண்டு முன்னெடுக்கப்படும் இத்திட்டமானது ஜனாதிபதி மைத்திரிபால சிறிசேனவின் எண்ணக்கருவில் உருவாகிய திட்டமாகும். கிராமிய மட்டத்தில் போஷாக்கையும் ஆரோக்கியத்தையும் மேம்படுத்துவதற்கு முன்னெடுக்கும் இத்திட்டத்தை கிராமிய மக்களின் அன்றாட வாழ்வில் பழக்கப்படுத்திக்கொள்ளும் வகையில் தெளிவுபடுத்தப்படுவது மிக அவசியம் என்று அநுராதபுர மாவட்டச் செயலாளர் தெரிவித்தார்.
ஆரோக்கியம் மற்றும் போஷாக்கு தொடர்பான உயரதிகாரிகளைப் போன்றே பிரதேச செயலாளர்களும் பங்களிப்பை வழங்குவது அவசியம் என்று மாவட்டச் செயலாளர் சுட்டிக்காட்டினார்.
