அரசாங்க திரைப்படப் பிரிவை மேம்படுத்துவதற்கு நீண்டகாலமாக பங்களிப்பு வழங்கி வரும் கலாநிதி லெஸ்டர் ஜேம்ஸ் பீரிஸ், சுகதபால செனரத் யாப்பா, திஸ்ஸ லியனசூரிய, கீர்த்தி ஸ்ரீ பெரேரா ஆகிய விருது வென்ற பிரபல திரைப்பட இயக்குநர்களை கௌரவிக்கும் நிகழ்வு இன்று (18) மாலை 6.00 மணிக்கு அரசாங்க தகவல் திணைக்களத்தில் நடைபெறவுள்ளது.

 

சுகாதாரம், போஷாக்கு மற்றும் சுதேச வைத்தியதுறை அமைச்சர் ராஜித்த சேனாரத்ன மற்றும் நிதி, வெகுஜன ஊடகத்துறை பிரதியமைச்சர் லசந்த அலகியவன்ன ஆகியோர் தலைமையில் இப்பாராட்டு விழா நடைபெறவுள்ளது.

 

இந்நிகழ்வினை முன்னிட்டு அரசாங்க திரைப்பட பிரிவினால் தாயரிக்கப்பட்ட விருது பெற்ற திரைப்படங்களை டிஜிட்டல் தொழில்நுட்பத்திற்கு மாற்றி பாதுகாப்பதற்கு தேசிய சுவடிகள் திணைக்களத்திற்கு கையளித்தல் மற்றும் பாதுகாக்கப்பட்ட திரைப்படங்களை இணையளத்தில் வெளியிடல் ஆகிய நிகழ்வுகளும் இடம்பெறவுள்ளன.

 

இப்பாராட்டுவிழாவில் கலைஞர்கள், ஊடகவியலாளர்கள், பல்கலைக்கழக மாணவர்கள் உட்பட பலர் கலந்து சிறப்பிக்கவுள்ளனர்.